男人甩頭髮可以食D咩？網上推薦6種生髮食物

地中海係男士大敵，呢句話應該冇咩男人會唔同意。男士一旦出現甩頭髮，就好難逆轉，而且因為男士遺傳到脫髮基因既機會比女士更高，所以如果屋企有有脫髮問題，咁男士好大機會都會有。

男士有甩頭髮現象既話，多數會由頭頂同額角開始甩，尤其是額角出現脫髮，兩邊額角越移越上，就會形成人地成日講既「M字額」。而對付M字額既方法，有D男人會好似某歌星咁，一下子全部剃光曬所有頭髮。「睇唔到個問題，唔代表個問題唔存在」，雖然咁樣可以令M字額冇咁明顯，但就唔係長久解決甩頭髮問題既方法。加上好多男人都未必夠膽剃光頭，咁生髮仲有咩方法？

想改善脫髮，不如試吓「由食入手」，網上面流傳咗6款生髮食物，話食得多就可以幫男人改善甩頭髮，D頭髮分分鐘仲可以生到「ba ba聲」添！

生髮食物1. 黑芝麻

相信話食得多黑芝麻可以生頭髮，應該都冇咩人未聽過。黑芝麻屬於黑色食物，係中醫角度嚟講，係可以補腎益氣。而頭髮就係腎臟既「精華」，如果個腎唔好，頭髮自然唔會健康，所以好多有腎虛問題既男人都會同時有甩頭髮既問題。

生髮食物2. 生蠔

生蠔可以壯陽就聽得多，原來食多D生蠔都可以生多D頭髮！除咗因為生蠔能夠壯陽，即係補腎之外，生蠔入面仲有好豐富既鐵同鋅，幫助身體造多D紅血球，令營養可以運送到頭皮，咁就可以令頭髮生得快D。

生髮食物3. 花生

呢到既「食花生」就真係叫你食多D花生，立即「小二來一打花生！」。花生有好多鋅質，同生蠔一樣，鋅質能夠防止脫髮，促進頭髮健康生長，所以食得多花生，真係可以令男人甩少D頭髮。

生髮食物4. 蛋黃

男士要生頭髮，就一定要知有咩營養對頭髮同頭皮有益，而維他命D就係其中一種對頭皮健康好好既營養成分。平時好多男士都會有頭皮、頭瘡、頭皮發炎、脂溢性頭皮呢D問題，而蛋黃就有好多維他命D，可以保護頭皮，激發毛囊生多D頭毛出嚟。

生髮食物5. 三文魚

應該有好多男人都鐘意食魚生，今次就可以大條道理食多D三文魚啦！三文魚入面有omega-3就係人都知，因為omega-3可以令頭髮更加健康，減慢甩頭髮既速度，所以想甩少D頭髮，依三文魚絕對係一個好方法！

生髮食物6. 杏仁

除咗上面講既維他命D，維他命E都係對頭髮好健康既一種營養，好似杏仁入面就有好大量既維他命E，有助抗氧化之外，亦可以防止脫髮，令頭髮急急長！所以唔想再甩頭髮？快D食多幾碗杏仁糊啦！

講咗上面呢6種生髮食物，唔知各位男士有冇興趣試吓呢？雖然好多人話甩頭髮除咗植髮之外，就再冇其他解決方法，不過植髮都唔係話做就做架！首先你要有足夠健康既頭髮之外，仲唔少得有滿滿既銀包，一次植髮閒閒地都要幾萬蚊，想做植髮手術？咁就要草定錢啦！

至於未有錢，又有甩頭髮問題既男士，就不妨食多D生髮食物，成本唔高，好多都係日常中經常會食到既食物，而且只要你了解咗邊D營養成分對頭髮好，咁就可以有好多變化！唔洗日日都只係食上面個6種食物啦！各位男士，有頭髮先係真．男人！